आज थप ३११ जनामा संक्रमणको पुष्टि

१३ साउन, काठमाडौं । पछिल्लो २४ घण्टामा ३११ जनामा कोरोना भाइरस संक्रमणको पुष्टि भएको छ । मंगलबार विभिन्न प्रयोगशालामा गरिएको परीक्षणमा ३ सय ११ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार संक्रमितको संख्या १९ हजार ६३ पुगेको छ । ५ हजार ३२ जनामा परीक्षण गर्दा ३११ जनामा संक्रमण भेटिएको मन्त्रालयका प्रवक्ता डा. जागेश्वर गौतमले बताए । यससँगै कोरोना जितेर घर फर्किनेको संख्या १३ हजार ८ सय ६५ पुगेको छ ।