स्याङ्जाको सदरमुकाम पुलतीबजार शिल

१४ साउन, स्याङ्जा । स्याङ्जाको सदरमुकाम पुतलीबजार नगरपालिका क्षेत्र १० दिनका लागि ‘शिल’ गरिएको छ । प्रमुख सहित २१ जना प्रहरीमा कोरोना संक्रमण पुष्टि भएपछि सदरमुकाम पुतलीबजार नगरपालिका १० दिनका लागि शिल गरिएको हो ।

अत्यावश्यक सेवा बाहेकका कामहरु नगर्न भन्दै पुतलीबजार नगरपालिका १० दिनका लागि ‘शिल’ गरिएको प्रमुख जिल्ला अधिकारी गंगाबहादुर क्षेत्रीले जानकारी दिए । उनका अनुसार अनावश्यक हिडडुल र सवारी साधन चलाउन बन्द गरिएको छ ।

कोरोना संक्रमण समाजमा फैलिएको आशंकामा पुतलीबजार बजार बन्द गरिएको छ । ‘स्याङ्जाको सदरमुकाम पुलतीबजार शिल’ गरिएको १० दिन अत्यावश्यक काम बाहेक घरबाट ननिस्कन स्थानीय प्रशासनले नगरवासिलाई आग्रह गरेको छ । जिल्ला प्रहरी कार्यालयका प्रहरीमा कोरोना पुष्टि भएसँगै कोरोना संक्रमण समाजमा गएको आशंका गरिएको छ ।

पुतलीबजार नगरपालिका ‘शिल’ भएसँगै सदरमुकामका बजार पूर्ण रुपमा बन्द भएको छ । समाजमा संक्रमण फैलिएको आशंकासँगै स्थानीयले कोरोना परिक्षण नागरिक स्तरमा लैजान आग्रह गरेका छन् ।

कोरोना संक्रमितहरुलाई पुतलीबजार नगरपालिका ११ करेण्डाँडास्थित र भीरकोट हेलुमा रहेको आईसोलेसनमा राखिएको स्वास्थ्य कार्यालयले जनाएको छ । आईसोलेसनमा बसेका संक्रमितहरुको स्वास्थ्य अवस्था सामान्य रहेको छ ।