थप २१० जनालाई संक्रमण पुष्टि

१४ साउन, काठमाडौं । नेपालमा थप २ सय १० जनालाई कोरोना संक्रमण पुष्टि भएको छ । विभिन्न प्रयोगशालामा गरिएको परीक्षणमा २ सय १० जनामा संक्रमण पुष्टि भएको हो । यससँगै नेपालमा कोरोना संक्रमितको संख्या १९ हजार २७३ पुगेको छ ।

यसअघि हिजो ३११, सोमबार १३९, आइतबार १३० र शनिबार १०९ जनामा संक्रमण देखिएको थियो । यस्तै बुधबार १ सय ४६ जनाले कोरोना जितेका छन् । यससँगै नेपालमा कोरोना जितेर निको हुनेको संख्या १४ हजार २१ जना पुगेको छ ।

नेपालमा अहिलेसम्म कोरोनाकै कारण ४९ जनाको मृत्यु भएको छ । कोरोना संक्रमित निको भएपछि ६ जिल्ला कोरोना मुक्त भएका छन् ।