नेपालबाट २८ देशका ६७१ विदेशी पर्यटक निष्कासित

१५ साउन, काठमाडौं । नेपालबाट ६ सय ७१ जना विदेशी पर्यटक निष्कासित भएका छन । यसरी निकालिनेमा धेरैजसो भिसा अवधि सकिएका छन । अध्यागमन विभागका अनुसार सन् २०१९ मा ‘ओभर स्टे’को कसुरमा ५७८ र अन्य कसुरमा ९३ जना विदेशीलाई नेपाल सरकारले सम्बन्धित मुलुकमा फिर्ता गरेको हो ।

अध्यागमन विभागका अनुसार एक वर्षको अवधिमा इरानका १९ जना नागरिक जाली राहदानी तथा भिसा रहेको अभियोगमा नेपालबाट निष्कासनमा परेका छन् । यो अभियोगमा नाइजेरियाका ३ जना परेको अध्यागमनको तथ्याङ्कमा उल्लेख छ । जाली भिसा लिएर आएका ३ जना बंगलादेशका, २ जना श्रींलकाका र एकरएक जना काजकिस्तान र उज्वेकिस्तानका नागरिकसमेत निष्कासनमा परेका छन् ।

विभागका अनुसार विदेशीहरू यौन दुराचार, बैंकिङ कसुर, विना पासपोर्टरभिसा नेपाल प्रवेश, लागुऔषध, चौरीपैठारी, अवैध हुण्डीरविदेशी मुद्रा अपचलन, ठगी, कल बाइपासजस्ता अभियोगमा मुछिने गरेका छन् । त्यसबाहेक ओभरस्टेको संख्या भने ठूलो छ । विभागका अनुसार सुन चोरी पैठारीको अभियोगमा पक्राउ परेका चार जना चिनियाँ नागरिकलाई समेत सन् २०१९ मा नेपालबाट निकालिएको छ ।

हुण्डी र विदेशी मुद्रा अपचलन गरेको आरोपमा एक चिनियाँ नागरिक निष्कासनमा परेका छन् । रुसका ४ जना नागरिक लागुऔषध प्रयोग गरेको आरोपमा निष्कासनमा परेको विभागको तथ्याङ्कमा उल्लेख छ । नेपालबाट २८ वटा मुलुकका नागरिक विभिन्न कसुरमा निष्कासनमा परेका छन् । यसरी निष्कासनमा पर्नेमा इरान र अफ्रिकी मुलुकका नागरिकको संख्या धेरै छ ।