सुनमा फेरि नयाँ रेकर्ड, तोलाको ९९ हजार रुपैयाँ पुग्यो

१५ साउन, काठमाण्डौ । सुनको भाउमा फेरि नयाँ रेकर्ड भएको छ । बुधबार सुन तोलाको ९९ हजार रुपैयाँ पुगेको छ । आज तोलामा ५ सय रुपैयाँ बढेर ९९ हजार रुपैयाँ पुगेको नेपाल सुनचाँदी व्यवसायी महासंघले जनाएको छ । यो भाउ अहिलेसम्मकै महंगो हो ।

कोरोनाका कारण विश्व अर्थतन्त्र ओरालो लागिरहेका बेला लगानीकर्ता सुनमा आकर्षित भएपछि भाउ बढेको पनि महासंघले जनाएको छ । नेपालमा पनि त्यसकै प्रभावले सुनको भाउले दिनहुँ महंगो भएको हो । सुनको मूल्य बढेपनि कारोबार भने सन्तोषजनक छैन् ।

सुनको भाउले रेकर्ड बनाए पनि चाँदीको भाउ भने आज स्थिर छ । चाँदीको भाउ आज पनि तोलाको १२ सय २५ रुपैयाँ कायम रहेको महासंघले जनाएको छ ।