स्वास्थ्यकर्मीमा संक्रमण देखिएपछि कोशी अस्पतालको ओपीडी सेवा बन्द

१५ साउन, विराटनगर । दुईजना स्वास्थ्यकर्मीमा कोरोना संक्रमण देखिएपछि कोशी अञ्चल अस्पतालको ओपीडी सेवा बन्द गरिएको छ । बिहीबार ओपीडी इञ्चार्जसहित दुई नामा संक्रमण पुष्टि भएको हो । ओपीडी इञ्चार्जसहित दुई जनामा संक्रमण पुष्टि भएपछि अस्पतालको ओपीडी सेवा अनिश्चितकालका लागि बन्द गरिएको हो ।

दुईजना स्वास्थ्यकर्मीमा संक्रमण देखिएका कारण अर्को सूचना जारी नभएसम्मका लागि ओपीडी सेवा बन्द गरिएको अस्पतालका मेडिकल सुपरीटेण्डेन्ट डाक्टर चुमनलाल दासले जानकारी दिए । कन्ट्याक ट्रेसिङ तथा सेनिटाइजमा खटिने कर्मचारी लगायत अन्य स्वास्थयकर्मीको कोरोना परीक्षणका लागि ओपिडी सेवा बन्द गरिएको हो ।

यस्तै विराटनगरमा बिहीबार थप सात जनामा कोरोना संक्रमण पुष्टि भएको छ । विराटनगर महानगरपालिका जनस्वास्थ्य निरिक्षक हैदर अलीका अनुसार सात जनामा संक्रमण पुष्टि भएको हो । उनीहरु मध्ये दुई जना कोसी अस्पतालका कर्मचारी हुन् ।