सम्पूर्ण उपसुचक वृद्धि हुँदै, लगानीकर्तालाई खुशी बनाउँदै बन्द भयो यो साताको बजार

१५ साउन, काठमाडाैं । साताको अन्तिम कारोवार दिन सम्पूर्ण उपसुचकमा वृद्धि हुँदै नेप्से परिसूचक १४३९ दशमलव ०६ मा बन्द भएको छ । नेप्से परिसुचक ७ दशमलव ५३ अंकले वृद्धि हुँदै बजार शुन्य दशमवल ५३ प्रतिशतले वृद्धि भएको छ । आज १८९ कम्पनीको शेयर कारोवार हुँदा १ अर्ब ३२ करोडको शेयर कारोवार भएको छ ।

आज नेपाल पुनर्बीमा कम्पनीको सर्वाधिक २२ करोड ९१ लाख बराबरको शेयर खरिदबिक्री भएको छ । खानीखोला हाईड्रोपावरको शेयर मूल्य सर्वाधिक १० प्रतिशतले वृद्धि भएको छ। त्यस्तै घोडिघोडा लघुवित्तको शेयर मूल्य सर्वाधिक ९ दशमलव ८५ प्रतिशतले घटेको छ ।