काठमाडौंमा थप ४५ जनालाई संक्रमण !

१५ साउन, काठमाडौं । संक्रमण बढ्दै गएका बेला काठमाडौं उपत्यकामा थप ४५ जना संक्रमित फेला परेका छन् । पछिल्लो २४ घण्टामा काठमाडौं उपत्यकामा ४५ संक्रमित थपिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

नयाँ संक्रमितमा काठमाडौंका ४१ जना, ललितपुरका २ जना र भक्तपुरका २ जना छन । त्रिवि शिक्षण अस्पताल काठमाडौंका ४ कोरोना संक्रमित थपिएको उनले जानकारी दिए ।

राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका १९ र भक्तपुरका २ जनामा कोरोना संक्रमण देखिएको उनले जानकारी दिए । यस्तै शुक्रराज ट्रपिकल तथा सरुवा रोग अस्पतालम गरिएको परीक्षणम काठमाडौं १३ कोरोना संक्रमित थपिएका छन् ।

नेपाल प्रहरी अस्पतालको प्रयोगशाला महाराजंगञ्जमा गरिको पीसीआर परीक्षणमा ३ जना र स्टार अस्पताल सानेपामा काठमाडौंका २ जना तथा लतिपुरका २ जनामा कोरोना संक्रमण देखिएको छ ।