कोरोनाले जगदम्बा इन्टरप्राइजेजका सीईओको मृत्यु

१६ साउन, काठमाडौं । कोरोना भाइरसको संक्रमणबाट वीरगन्जमा तीन जनाको मृत्यु भएको छ । मृत्यु हुनेमा जगदम्बा इन्टरप्राइजेजका सिइओ भारतीय नागरिक र दुई जना वीरगन्जका स्थानीय छन् ।

लामो समयदेखि मुटु रोगबाट ग्रसित सीईओ भारतीय नागरिकको ज्यान गएको हो । उनी गत साउन ७ गते संक्रमण पुष्टि भएपछि अस्पताल भर्ना भएका थिए। अस्पताल भर्ना भएपछि भेन्टिलेटरमा राख्दा पनि बिहीबार राती उनको मृत्यु भएको हो ।

बाँकी दुई जना मृतक पनि वीरगन्जकै हुन्। जसमा ३५ वर्षीय युवक र ७५ वर्षीय वृद्ध रहेका छन्। युवक गत बुधबार अस्पताल भर्ना भएका थिए। उनीहर तीनै जनाको गण्डक अस्पतालमै उपचारको क्रममा मृत्यु भएको अस्पतालले जनाएको छ ।

वीरगञ्जमा दुई दिनअघि पनि दुई जनाको मृत्यु भएको थियो । हिजो थप तीन जनाको मृत्यु भएपछि कोरोनाबाट ज्यान गुमाउनेको संख्या ५५ पुगेको छ ।