बालुवाटारमा प्रदर्शन गर्न रोक, धमाधम अभियान्ता पक्राउ !

१६ साउन, काठमाडौं । प्रधानमन्त्री कार्यालय अगाडी प्रदर्शन गर्न खोज्नेलाई प्रहरीले पक्राउ गरेको छ । ‘इनफ इज इनफ’का अभियान्तालाई प्रहरीले पक्राउ गरेको हो । विवेकशील नेपाली दलकी नेतृ रञ्जु दर्शना लगायतलाई प्रहरीले पक्राउ गरेर प्रहरी कार्यालय लिएको छ ।

प्रदर्शन चर्किन सक्ने भन्दै प्रहरीले बालुवाटारमा हिडडुल गर्न रोक लगाएको छ । कोरोना नियन्त्रणका लागि प्रभावकारी काम हुनुपर्ने भन्दै इनफ इज इनफका अभियान्ता आन्दोलनमा लागेका हुन् ।

तर प्रहरीले प्रदर्शन गर्न रोक लगाउदै पक्राउ गर्न थालेको छ । १३ दिनदेखि जारी अनसनको सुनुवाई सरकारले नगरेपछि आन्दोलन पुनः बालुवाटारमा सुरु गरिएको छ। इनफ इज इनफका अभियान्ता काठमाडौंको बसन्तपुरमा अनसन बसिरहेका छन् ।