बालबालिका र बृद्धबृद्धालाई बाहिर निस्कन रोक !

१८ साउन, काठमाण्डौ । उपत्यकामा संक्रमण बढेपछि सरकारले बालबालिका र बृद्धबृद्धालाई घरबाहिर ननिस्कन आग्रह गरेको छ । कोरोनाको उच्च जोखिममा रहेका ६० वर्षमाथिका ज्येष्ठ नागरिक र १२ वर्षमुनिका बालबालिकालाई घरबाट बाहिर ननिस्कन आग्रह गरिएको हो ।

मन्त्रालयका प्रवक्ता डाक्टर जागेश्वर गौतमले काठमाण्डौ तथा काठमाण्डौ जस्तै बसोबास बढी भएका क्षेत्रमा जोखिममा पर्ने उमेर समूहका मानिसलाई घरबाट बाहिर ननिस्कन आग्रह गरेका हुन् ।

आइतबार थप २४६ जनामा संक्रमण पुष्टि हुँदा उपत्यकामा मात्रै ३० जनामा सक्रमण देखिएको थियो । दैनिक संक्रमित थपिदा नेपालमा संक्रमित हुनेको संख्या २० हजार नाघेको छ ।