पशुपति आर्यघाटमा जल्दै गरेको शवसहित छोरा पक्राउ

१८ साउन, काठमाडौं । रक्सी खाएर कुटपिट गरेर बाबुको हत्या गरेपछि पशुपति आर्यघाटमा शव जलाउदै गर्दा प्रहरीले बरामद गरेको छ । साथै छोरालाई पनि पक्राउ गरेको छ ।

महानगरीय प्रहरी परिसर ललितपुरले गोदावरीका ५० वर्षका कृष्ण नेपालीको शव प्रहरीले बरामद गरेको हो । बाबुको शव जलाईरहेका छोरा सन्तोष नेपाली पक्राउ परेका छन् ।

गएको बिहीबार रक्सी खाएका बेला छोरा कृष्णले बाबुलाई कुटपिट गरेका थिए । कुटपिटपछि बेहोश भएका उनको अस्पताल लगिएपनि मृत्यु भएको थियो । त्यसपछि सोझै बाबुलाई अन्त्येष्टिका लागि पशुपति आर्यघाट लगेर जलाउन लागेका थिए ।

यत्तिकैमा स्थानीयबाट सुचना पाएको प्रहरीले आधा जलेको शवलाई बरामद गरेर अनुसन्धान थालेको छ ।