सिद्धेश्वर शिवालय मन्दिर परिसरमा वृक्षरोपण
नेपालबहस संवाददाता
साउन १९, २०७७ सोमबार १४:१२:५४
१९साउन, बागलुङ । गलकोट नगरपालिका–७ मल्मस्थित सिद्धेश्वर शिवालय मन्दिर परिसर र आसपासमा वर–पीपल, स्वामी र रुद्राक्षलगायत गरी १०८ वृक्ष रोपिएको छ ।
धार्मिक महत्वका साथै पर्यावरणीय स्वच्छता बढाउन आइतबार वृक्षरोपण गरिएको सिद्धेश्वर शिवालय सेवा समितिका अध्यक्ष ज्ञानबहादुर थापाले बताए। मन्दिर हुँदै पाण्डुकेशरी गुफा जोड्ने बाटोको सौन्दर्यीकरणका लागि धुपी, पारिजात, कल्की र कपुर पनि रोपिएको छ । वृक्षरोपण गर्दा मन्दिर परिसर र लाम्दारा सामुदायिक वन क्षेत्रलाई समेटिएको हो ।
“शिवालय मन्दिर र पाण्डुकेशरी गुफालाई जोडेर धार्मिक गन्तव्यस्थल बनाउने लक्ष्य लिएका छौँ”, उनले भने । वृक्षरोपणमा स्थानीय वन, कृषि, आमा समूह, सामाजिक सङ्घसंस्थाका प्रतिनिधिलगायत सर्वसाधारण सहभागी भएका थिए । धार्मिक महत्व राख्ने वर–पीपलका बोट नासिँदै गएका बेला तिनको संरक्षणसमेत हुने विश्वास लिइएको छ ।
विसं १८१० मा निर्मित सिद्धेश्वर शिवालय मन्दिरको पुनःनिर्माणसहित बृहत्तर विकास योजना अगाडि सारिएको छ । संरक्षण अभावमा ऐतिहासिक मन्दिरको अस्तित्व नासिने स्थितिमा पुगेको थियो । वडाध्यक्ष टीकाबहादुर थापाले शिवालय मन्दिर, पाण्डुकेशरी गुफा र नाच्नेडाँडालाई समेटेर धार्मिक एवं सांस्कृतिक महत्वको स्थलका रुपमा विकास गर्नुपर्ने धारणा राखे।
समितिले मन्दिरको दश वर्षे गुरुयोजना बनाएर काम थालेको छ । जीर्ण अवस्थामा पुगेको मन्दिरलाई पुरातात्विक कला, कौशल झल्कने गरी पुनःनिर्माण गरिने भएको छ । एक सय आठ शिवलिङ्गका मूर्ति प्रतिस्थापनको काम शुरु भएको छ । शिवलिङ्गसहित द्वादश, एकादश रुद्र, गणेश, हनुमान, नवग्रहकोसमेत गरी १३८ वटा मूर्ति राखिने जनाइएको छ ।
पवित्र कालीगण्डकी नदीका शिलाबाट बनेका शिवलिङ्ग प्रतिस्थापन गर्ने कार्य भइरहेको सर्वसिद्धी शिवलिङ्ग मण्डप निर्माण तथा व्यवस्थापन समितिका अध्यक्ष राज थापाले भने । मन्दिर पुनःनिर्माणको काम यही वर्षबाट शुरु हुने जनाइएको छ ।
झण्डै चार रोपनी क्षेत्रफलमा फैलिएको मन्दिरमा शिवरात्रि र बालाचर्तुदशी पर्वमा मेला लाग्ने गर्छ । विशेष पर्वबाहेक मन्दिरमा दैनिक पूजाआजासमेत हुने गरेको छ । पाण्डवखानी भन्ने ठाउँबाट एक साधु आई त्यस ठाउँमा बस्न थालेपछि शिवालय मन्दिर स्थापना गरिएको गाउँका अगुवा बताउँछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकुम्भमेलामा १० दिनमा दुई लाखभन्दा बढी दर्शनार्थी सहभागी
बैशाख ८, २०८१ शनिबार
बौद्ध तेमाल जात्राको तयारी पूरा
बैशाख ६, २०८१ बिहिबार
सोमेश्वर मन्दिरमा दुई लाख बढी भक्तजनले दर्शन गरे
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
आगो निभाउन गएको दमकल दुर्घटना, ६ जना घाइते
बैशाख ८, २०८१ शनिबार
वीरगञ्ज भन्सारद्वारा आठमहिनामा एक खर्ब १४ अर्ब राजस्व संकलन
बैशाख ८, २०८१ शनिबार
भन्सार छलेर ल्याएका ५० लाखका कपडा र काजु बरामद
बैशाख ८, २०८१ शनिबार