ओली-प्रचण्ड वार्ता निष्कर्षविहिन

१९ साउन, काठमाडौं । हिजोकै बैठकको निरन्तरतास्वरुप सहमति जुटाउन बसेको सत्तारुढ नेकपाका अध्यक्षद्धय केपी शर्मा ओली र प्रचण्डबीचको वार्ता आज पनि निष्कर्षविहिन भएको छ । आज बिहानदेखि बालुवाटारमा बसेको अध्यक्षद्धयको वार्ता निष्कर्षविहिन भएको नेताहरुले बताएका छन् । छलफल भोलि पनि हुनेछ ।

ओली र प्रचण्डबीच अहिलेको विवाद समाधान गर्ने गरी सहमति नभएपछि वार्ता निष्कर्षविहिन भएको हो । हिजोजस्तै आजको बैठकमा पनि वरिष्ठ नेता झलनाथ खनाल र संसदीय दलका उपनेता सुवासचन्द्र नेम्वाङ सहभागी थिए ।

भोलि बेलूकी ५ बजे बस्नेगरी बैठक सकिएको नेताहरुले बताएका छन । नेकपामा प्रचण्ड, झलनाथ खनाल, माधव नेपाल लगायतका नेताहरुले ओलीको राजीनामा माग गरेपछि विवाद चर्किएको हो । तर ओलीले राजीनामा नदिने बरु पार्टी फुटाउने चेतावनी दिएपछि नेताहरुबीचको वार्ता निष्कर्षमा पुग्न सकेको छैन् ।