मास्क लगाएर सामाजिक दुरी बनाए कोरोनाबाट बच्न सकिन्छ

१९ साउन, काठमाडौं । कोरोना महामारीको संक्रमण बढिरहेका बेला विश्व स्वास्थ्य संगठन डब्ल्यूएचओले मास्क लगाएर सामाजिक दुरी कायम गर्न आग्रह गरेको छ । डब्लुएचओका नेपाल प्रतिनिधि जोस भ्याण्डेलरले कोरोना संक्रमणको जोखिम न्यूनीकरणका लागि भौतिक दुरी कायम गर्न आग्रह गरेका हुन् ।

यसका लागि मास्क अनिवार्य भएको पनि उनको भनाई छ । लकडाउन खुलेपछि कोरोना संक्रमणको जोखिम बढेको भन्दै डब्लुएचओकोले सतर्क भएर सामाजिक दुरी कायम गर्न आग्रह गरेको हो । ‘हामीले एक अर्काबीच कम्तीमा १ मिटरको दुरी कायम गरेर यो रोगको संक्रमणलाई धेरै हदसम्म रोक्न सक्छौं । हामी आफै संक्रमित भए अरुलाई पनि संक्रमण बनाउन सक्छौं’ उनले भनेका छन् ।

मास्क लगाउने, हात धुने, सामाजिक दुरी कायम गर्ने, भीडभाडमा नजाने काम गरेमा कोरोना भाइरसको संक्रमणबाट बच्न सकिने पनि विश्व स्वास्थ्य संगठनले जनाएको छ ।