१७ दिनदेखि अनशनरत ई अस्पताल भर्ना

१९ साउन, काठमाडौं । १७ दिनदेखि अनशनमा बसेका ईः अस्पताल भर्ना भएका छन् । कोरोना महामारीको उचित व्यवस्थापनको माग गर्दै अनशन बसेका युवालाई सोमबार दिउँसो अस्पताल भर्ना भएका हुन् ।

उनको मुटुको चाल र रगतमा चिनीको मात्रा कम देखिएको थियो । स्वास्थ्यमा समस्या देखिएपछि उनलाई अस्पताल भर्ना गरिएको इनफ इज इनफ अभियानका अभियान्ताले जानकारी दिएका छन् ।

अस्पताल बसेपनि उनले अनशनलाई निरन्तरता दिने बताएका छन् । बसन्तपुरमा अनशन बसेका उनलाई भेट्न कांग्रेस सभापति शेरबहादुर देउवा लगायतका धेरै नेताहरु भेट्न पुगेका थिए ।