बालकोट पुगेर ओलीले भने– ‘अढाई बर्षपछि घर फर्किन्छु’

१९ साउन, काठमाडौं । प्रधानमन्त्री केपी शर्मा ओलीले आफ्नो घर बालकोट पुगेर अढाई बर्षपछि मात्रै बालुवाटार छाड्ने बताएका छन् । आफ्नो घर बालकोट पुगेका ओलीले पूरा कार्यकाल प्रधानमन्त्री बनेर मात्रै घर फर्किने बताएका हुन् ।

ओलीले यसो भन्नु अझै दुई बर्ष प्रधानमन्त्री पद नछाड्ने संकेत दिएका छन् । खासगरी प्रचण्ड, माधव नेपाल लगायतले राजीनामा दिन बल गरेपनि आफूले कुनै हालतमा राजीनामा नदिने ओलीको स्पष्टोक्ति छ ।

सोमबार बिहान प्रचण्डसँग भेटेलगत्तै ओली बालकोट पुगेका हुन् । दोस्रोपटक प्रधानमन्त्री भएपछि तेस्रोपटक बालकोट पुगेका ओलीले आफ्नो घर तथा करेसाबारीको निरीक्षण गरेका फर्केका थिए । बालकोटमा प्रमुख जिल्ला अधिकारी, जिल्ला प्रहरी प्रमुख, भक्तपुरका सांसद महेश बस्नेत लगायतको पनि उपस्थिती थियो ।

प्रधानमन्त्री ओली र उनका विश्वासपात्र तथा पूर्व सञ्चारमन्त्री गोकुल बाँस्कोटाबीच आन्तरिक छलफल समेत भएको थियो । ओली प्रधानमन्त्री भएपछि खाली भएको बालकोट निवासमा गोकुल बास्कोटा बस्दै आएका छन् ।