निषेधाज्ञा जारी गरिएको नेपालगञ्ज शिल

१९ साउन, काठमाडौं । स्थानीयमै भयावह रुपमा कोरोना फैलिन थालेका केही संकेत मिलेपछि बाँकेको नेपालगञ्ज सिल गरिएको छ । यसअघि नै निषेधाज्ञा जारी गरिएको बाँकेमा जनप्रतिनिधि र कर्मचारीमा पनि कोरोना संक्रमण पुष्टि भएपछि नेपालगञ्ज उपमहानगरपालिका कार्यालय सिल गरिएको हो ।

सोमबार कर्मचारी र जनप्रतिनिधिमा कोरोना संक्रमण पुष्टि भएको रिर्पोट आएको थियो । संक्रमण फैलिएको थाहा भएपछि कार्यालय पूर्ण रुपमा सिल गरिएको प्रशासकीय अधिकृत ओमबहादुर खड्काले बताए ।

सोमबार भेरी अस्पताल प्रयोगशालामा परीक्षण गर्दा केही कर्मचारी र वडाध्यक्ष गरी ९ जनामा कोरोना संक्रमण पुष्टि भएको छ । यसअघि नेपालमा दोस्रो संक्रमितको मृत्यु हुँदा नेपालगञ्ज कोरोनाको हटस्पट बनेको थियो ।

तर पछि नियन्त्रणमा आएको कोरोना अहिले फेरि दैनिक रुपमा फैलिन थालेपछि नेपालगञ्ज शिल गरिएको हो भने बाँकेमा निषेधाज्ञा जारी गरिएको छ ।