चितवनमा एक युवाको ज्यान गयो, कोरोनाको रिर्पोट आउन बाँकी

२० साउन, चितवन । चितवनमा होम होम क्वारेन्टाइनमा बसेका युवाको मृत्यु भएको छ । खैरहनी नगरपालिका–६ स्थित एक बोरा उद्योगमा काम गर्ने ३५ वर्षका युवाको गएराती मृत्यु भएको प्रहरीले जनाएको हो ।

बाराबाट चितवन आएका युवाले छाती दुखेको बताएका थिए । त्यसपछि उनी बेहोस भएर ढलेका थिए । खैरहनी–६ पुरानो पर्सामा रहेको केसी बोरा उद्योगमा कार्यरत मजदुर उनी दुई हप्ता अगाडी मात्रै चितवन आएका थिए ।

उनीसँगै होम क्वारेन्टाइनमा बसेका अरु युवाहरुमा भने समस्या देखिएको छैन् । मृत्तक युवाको पीसीआर परीक्षणका लागि स्वाब संकलन गरिएको छ । रिर्पोट आउन भने बाँकी नै छ ।