अख्तियार केन्द्रीय कार्यालयका १५ जनामा संक्रमण

२० साउन, काठमाडौं । अख्तियार दुरूपयोग अनुसन्धान आयोगको केन्द्रीय कार्यालय टंगालमा कार्यरत १५ जनामा कोरोना भाइरसको संक्रमण पुष्टि भएको छ। आयोगकाका अनुसार १ सय ८० जनाको स्वाब परीक्षण गर्दा १५ जनामा कोरोना संक्रमण पुष्टि भएको हो।

संक्रमण देखिएकामध्ये १४ प्रहरी र एक सिभिल ड्राइभर रहेका छन । अन्य पदाधिकारीहरूको रिपोर्ट भने नेगेटिभ आएको छ  ।

प्रहरीमा कोरोना देखिएपछि आइतबार बिहान कार्यालयमै प्रमुख आयुक्त नवीन घिमिरेसहितको स्वाब संकलन गरिएको थियो। पछिल्लो समय प्रहरी प्रधान कार्यालयमा ७२ जनालाई कोरोना संक्रमण पुष्टि भएको थियो।