कर्णालीमा नयाँ संक्रमितको संख्या ‘शुन्य’

२० साउन, सुर्खेत । सबैभन्दा ढिलो फैलिएको कर्णाली प्रदेशमा कोरोनाका नयाँ संक्रमित फेला पर्न छाडेका छन् । मंगलबार कर्णालीमा एक जना पनि संक्रमित भेटिएनन् । प्रदेशमा सक्रिय संक्रमितको संख्या १ सय ९८ मात्रै छ ।

मंगलबारसम्म संक्रमित १९४५ मध्ये १७४१ जना संक्रमणमुक्त भएका हुन् । मंगलबार भने नयाँ संक्रमितको संख्या शून्य भेटिएको हो । प्रदेश स्वास्थ्य सेवा महाशाखाका अनुसार सुर्खेतमा २७ जना, दैलेखमा १२२ जना, जाजरकोट र सल्यानमा ११र११ जना, कालीकोटमा १२ जना, रुकुम पश्चिम्मा २ जना र मुगुमा १ जना कोरोनाका सक्रिय छन् ।

यस्तै मंगलबार मात्रै १३ जना कोरोना संक्रमित डिस्चार्ज भएका छन् । प्रदेशमा हालसम्म ४१ हजार ८४८ जनाको आरटी–पीसीआर विधिबाट कोरोना परीक्षण भएको छ । पछिल्लो समय कर्णालीमा आइसोलेसन र क्वारेन्टिन रित्तिँदै गएका छन् ।