बैंकका कर्मचारीलाई देखियो कोरोना !

२० साउन, बुटवल । एक बैंककी महिला कर्मचारीमा कोरोना संक्रमण देखिएको छ । लुम्बिनी प्रादेशिक अस्पताल बुटवलमा गरिएको पीसीआर परीक्षणमा गरिमा विकास बैंकको देवदह खैरेनी शाखामा कार्यरत कर्मचारीमा कोरोना संक्रमण पुष्टि भएको हो ।

बैंककी कर्मचारीमा कोरोना संक्रमण पुष्टि भएपछि उक्त बैँकको शाखा कार्यालय बन्द गरी कन्ट्याक्ट ट्रेसिङको काम सुरु गरिएको छ ।

देवदह नगरपालिकाका स्वास्थ्य शाखा प्रमुख काशिनाथ बन्जाडेका अनुसार संक्रमित महिला रुघा र ज्वरो आएर घरमै बसेकी थिइन् । कोरोनाको आशंका लागेपछि परीक्षण गर्दा रिर्पोट पोजेटिभ आएपछि बैंकका अरु कर्मचारीमा पनि परीक्षण शुरु गरिएको छ ।