प्रहरीले थुनुवालाई छाड्दा स्याङ्जाका स्थानीयमा कोरोना संक्रमण

२० साउन, पोखरा । प्रहरीले थुनुवालाई परीक्षण नगरी छाडिदिदा स्याङ्जाका स्थानीयमा कोरोना संक्रमण फैलिएको पाइएको छ । स्याङ्जाको पुतलीबजार नगरपालिकामा साउन ४ गते तास खेलेको आरोपमा पक्राउ परेका ६ जनालाई परीक्षण नगरी छाडिदिदा स्थानीयमा पनि कोरोना संक्रमण फैलिएको पाइएको हो ।

उनीहरुलाई प्रहरी हिराशतमै राखेर अनुसन्धान चलिरहेका बेला केही प्रहरीमा कोरोनाको लक्षण देखिएको थियो । कोरोना आशंकामा परीक्षण गर्दा ३ जना प्रहरीमा कोरोना पोजेटिभ रिर्पोट आयो । त्यसपछि प्रहरीले थुनुवालाई छाडेपछि स्थानीयमा संक्रमण फैलियो ।

मंगलबार थुनुमुक्त भएका एक जनासहित उनकोे सम्पर्कमा आएका ८ जनामा कोरोना संक्रमण पुष्टि भएको छ । संक्रमित हुनेमा थुनामुक्त भएकै व्यक्तिसहित परिवारकै ४ जना छन् भने बाँकी ४ जना सम्पर्कमा आएका उनका साथीहरु छन । यसरी स्थानीयमा संक्रमण फैलिनुमा प्रहरीले थुनामुक्त गर्दा परीक्षण नगरी पठाउनु जिम्मेवार कारण रहेको मानिन्छ ।

‘पछि परीक्षण पश्चात स्याङ्जाका प्रहरी प्रमुख यमप्रसाद शर्मासहित अरु प्रहरीलाई पनि कोरोना फैलिएको थियो । यसले जिल्ला प्रहरी कार्यालयका अरु प्रहरीलाई पनि त्रास फैलाएको थियो । तर प्रहरी प्रमुख शर्मा भने प्रहरीको लापरबाहीले स्थानीयमा कोरोना फैलिएको नभई जनप्रतिनिधिको बेवास्ताले कोरोना फैलिएको बताउँछन् ।

थुनुवालाई छाडेर क्वारेन्टाइनमा राख्न भनिएपनि जनप्रतिनिधिले बेवास्ता गर्दा कोरोना फैलिएको प्रहरीको भनाई छ ।