काठमाडौंमा अहिलेसम्मकै धेरै ६२ जनालाई संक्रमण पुष्टि

२१ साउन, काठमाडौं । बुधबार काठमाडौं उपत्यकामा थप ६२ जनालाई संक्रमण पुष्टि भएको छ । यो अहिलेसम्मकै धेरै हो । यसअघि ५३ जनामा संक्रमण देखिएको थियो । तर त्यो संख्या भन्दा धेरै आज ६२ जनामा कोरोना देखिएपछि काठमाडौंमा अवस्था भयावह हुने संकेत देखिएको छ ।

थप संक्रमितमध्ये आज काठमाडौंमा मात्रै ५७ जना, ललितपुरमा ५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमितको संख्या बढ्दै गएपछि सरकारले लकडाउन वा कोरोना नियन्त्रणका लागि थप योजनाका विषयमा परामर्श गरिरहेको जनाएको छ ।