फेसबुकले किन हटायो ट्रम्पको स्टाटस ?

२२ साउन, एजेन्सी । अमेरिकी राष्ट्रपति डोनाल्ड ट्रम्पको एक स्टाटस फेसवुकले हटाएकाे छ । उनले कोरोना भाइरसबारे स्टाटस अपडेट गरेका थिए। ट्रम्पले गलत सूचना शेयर गरेको भन्दै फेसवुकले उनको स्टाटस हटाएकाे हाे ।

ट्रम्पले स्टाटसको साथमा फक्स न्युज च्यानललाई दिएको अन्तरवार्ताको एक भिडियो क्लिप पनि राखेका थिए । त्यो भिडियोमा ट्रम्पले भनेका छन्,कोरोना भाइरसबाट बालबालिकाहरु लगभग सुरक्षित छन् ।

फेसबुकका प्रवक्ताले भनेका छन्, ‘यस भिडियोमा कोरोना भाइरसबारे गलत दाबी गरिएको छ । यो हाम्रो नीतिको उल्लंघन हो । हामी कोरोना भाइरस संक्रमणको विषयमा गलत सूचना प्रवाहको विरुद्धमा छौं ।’ यसबारे ह्वाइट हाउसको प्रतिक्रिया भने आइसकेको छैन ।