एनसीसी बैंकको सीईओमा पुन रमेशराज अर्याल नियुक्त

२२ साउन, काठमाडौं । एनसीसी बैंकको प्रमुख कार्यकारी अधिकृत ‘सीईओ’ मा रमेशराज अर्यालको कार्यकाल थप भएको छ ।

आगामी असोज १ गते उनको पहिलो कार्यकाल सकिंदै थियो । साउन १९ गते बसेको सञ्चालक समिति बैठकले अर्याललाई पुन अर्को ४ वर्षका लागि सीईओमा निरन्तरता दिने निर्णय गरेको हो ।

अर्याल २०७३ असोज १ गते एनसीसी बैंकको सीईओमा नियुक्त भएका थिए । उनी सोही बैंकमा विगत २४ वर्षदेखि कार्यरत छन् ।  स्टाण्डर्ड चार्टर्ड बैंकबाट बैंकिङ करिअर सुरुवात गरेका अर्यालले तीन दशकभन्दा धेरै अनुभव बटुलिसकेका छन् ।