शेयर बजारमा माग बृद्धि भएको संकेत, हतौडा मैनबत्तीको सङ्केत के हाे ?

२२ साउन, काठमाडाैं । साताको अन्तिम कारोवार दिन आज शेयरबजार थोरै अंकले मात्र घटेको छ । बजार शुन्य दशमवल ०९ प्रतिशतले घटेको छ । आज १८६ कम्पनीको शेयर कारोवार हुँदा ९२ करोड ९ लाखको शेयर कारोवार भएको छ । कारोवार रकम भने १ अर्ब मुनि आएको छ।

आज बजारमा बिक्रीकर्ताको प्यानिक कम देखिएकाे छ । आजको कारोबारले बजारको अन्तिम समयमा केहि माग बढेको देखिन्छ । आजको बजार प्रवृत्तिले हतौडा मैनबत्तीको चित्र बनाएको देखिन्छ। यसले बजारमा विक्रेता कमजोर हँदै गएको जानकारी गराएको छ ।

नेप्से परिसूचकमा १ दशमलव २९ अंकको गिरावट आउँदै बजार १३८१ दशमलव ३७ को विन्दुमा बन्द  भएको छ । बजार १३८७ को विन्दुमा खुलेको थियो भने ११ बजेर ६ मिनेटमा १३८८ को उच्च विन्दुसम्म पुगेको थियो । त्यस्तै १२ बजेर २ मिनेटमा १३६५ को न्यून विन्दुसम्म पुगेको थियो । बजार बन्द हुँदा केही समालिएर बजार बन्द भएको थियो।

आज नेपाल पुनर्बीमा कम्पनीको शेयर सर्वाधिक कारोवार भएको छ । नेपाल पुनर्बीमाको ११ करोड ८१ लाख बराबरको शेयर खरिद बिक्री भएको छ ।

गुराँस लघुवित्त, अजोड इन्स्योरेन्स, नेपाल फाईनान्स, ग्रीन डेभलप्मेण्ट बैंक र दिव्यश्वरी हाईड्रोपावर सर्वाधिक कमाउने ५ कम्पनी हुन भने सर्वाधिक गुमाउने ५ कम्पनीमा महिला सहयात्रा लघुवित्त, स्वाभिमान लघुवित्त, कालिका पावर, अपि पावर र हिमाल दोलखा पावर रहेका छन् ।

बजारलाई ड्राईभ गर्ने वाणिज्य बैंक उपसुचकमा गिरावट आएको छ । आज होटल उपसुचकमा सर्वाधिक वृद्धि देखिएको छ भने ट्रेडिङ्ग उपसुचकमा सर्वाधिक गिरावट आएको छ ।

प्राविधिक बिश्लेषण :

प्रतिरोध २ः १४०५ । प्रतिरोध १ः १३९० । टेवा १ः १३६५ । टेवा २ः १३५०

✍आजको कारोबारले बजारको अन्तिम समयमा केही माग बढेको देखिन्छ । आजको बजार प्रवृत्तिले हतौडा मैनबत्तीको चित्र बनाएको देखिन्छ। यसले बजारमा विक्रेता कमजोर हँदै गएको जानकारी गराएको छ ।

✍ दैनिकी अवधिमा “आरएसआई” ३९ दशमलब ९७ को बिन्दुमा छ । यसको प्रवृत्तिले बजार बढी हाल्ने जानकारी दिएको छैन ।

✍“एडीएक्स” र जोड /बिजोड “डाइरेक्सनल इन्डेक्स”हरुले बजारमा बिक्रेताको चाप रहेको जानकारी दिएको छ।

✍“अन ब्यालेन्स भल्यूम” ले दिएको जानकारी प्रभावकारी देखिन्दैन । नेप्से बढेमा पहिलो प्रतिरोध १३९० को क्षेत्रमा पाउने देखिन्छ र घटेमा पहिलो टेवा १३६५ को क्षेत्रमा पाउने देखिन्छ ।