कोरोनाले ओम अस्पतालमा संक्रमित महिलाको मृत्यु

२२ साउन, काठमाडौं । कोरोनाले काठमाडौंमा थप एक जनाको मृत्यु भएको छ । चाबहिलको ओम अस्पतालमा धनुषाको मिथिला नगरपालिका १० लालगढकी ७२ वर्षीया महिलाको उपचारका क्रममा मृत्यु भएको हो ।

दम, होइपोथाइरोडिजम र उच्च रत्तचाप बिरामी उनलाई केही दिनअघि धनुषाबाट काठमाडौं ल्याइएको थियो । दमपछि श्वासप्रश्वासमा समस्या देखिएपछि उनलाई ओम अस्पतालमा भर्ना गरेर उपचार चलिरहेको थियो ।

उपचारका क्रममा उनको बिहीबार मृत्यु भएको हो । आईसीयुमा उपचारकै क्रममा मृत्यु भएकी उनको कोरोना परीक्षण गर्दा रिर्पोट पोजेटिभ आएको हो ।

यससँगै नेपालमा कोरोनाबाट ज्यान गुमाउनेको संख्या ६६ पुगेको छ । यसअघि हिजो एकैदिन कोरोनाले ६ जनाको मृत्यु भएको थियो ।