कोरोना संक्रमित भेटिएपछि काठमाडौंको गहनापोखरी–हाँडीगाउँ क्षेत्र शिल

२४ साउन, काठमाडौं । जिल्ला प्रशासन कार्यालय काठमाडौंले सटडाउन गर्ने निर्णय गरेको रात बित्न नपाउँदै आज काठमाडौंको गहनापोखरी–हाँडीगाउँ क्षेत्र शिल भएको छ ।

गहनापोखरीबाट पूर्वतर्फ पर्ने हाँडीगाउँको कोटाल टोलमा टोलमा आठ जनालाई कोरोना संक्रमितहरु फेला परेपछि सो क्षेत्र शिल गरिएको हो ।

फेला परेका संक्रमितहरु नेपाल प्रहरी, प्रहरीका परिवार र स्थानीय घरधनीहरु रहेका छन् । अघिल्लो बिहीबार एक प्रहरीमा शुरुमा कोरोना संक्रमण पुष्टि भएको थियो । प्रहरीका परिवारमा थप चारजनामा पनि कोरोना देखिएको थियो ।

उनीहरुको सम्पर्कमा रहेकाको स्वाब संकलन गरेर परीक्षण गर्दा शुक्रबार थप पाँच जनामा कोरोना पुष्टि भएको हो ।