मोटरसाइकल ठक्करबाट साइकल यात्रुको मृत्यु

◊ धीरुभाइ

२४ साउन, सप्तरी । सप्तरीको शम्भुनाथ नगरपालिका स्थित मोटरसाइकलले ठक्कर दिदा एक साइकल यात्रुको घटनास्थलमै मृत्यु भएको छ ।

पूर्व पश्चिम लोकराजमार्ग अन्र्तगत सो सडक खण्डमा मोटरसाइकलको ठक्करबाट शम्भुनाथ नगरपालिका वार्ड नम्बर १ बस्ने ३५ वर्षीय देवनाथ यादवको घटना स्थलमै मृत्यु भएको जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक तिलक भारतीले बताए ।

पूर्व पश्चिम लोकराजमार्गमा पूर्वबाट पश्चिम तर्फ जादै गरेको स.१० प. ४९ नम्बरको मोटरसाइकलले सोही दिशातर्फ जादै गरेको साइकल यात्रु यादवलाई गएराती करिब १०ः१५ बजे ठक्कर दिएको प्रहरीले बताइएको छ ।

सोही दुर्घटनामा परी मोटरसाइकल चालक शम्भुनाथ नगरपालिका वार्ड नम्बर ७ बस्ने २६ वर्षीय अमृत चौधरीको टाउको र शरीरको विभिन्न भागमा चोट लागेर घाइते भएका छन ।

घाइते चौधरीको रुपनी गाउँपालिका १ रायपुर स्थित युनिक अस्पतालमा उपचार भइरहेको प्रहरीले बताइएको छ ।मोटरसाइकल र साइकल प्रहरीले नियन्त्रणमा लिइ घटनाको थप अनुसन्धान कार्य गरिरहेको बताइएको छ ।