सिटौलाको प्रस्ताव: एक वर्षपछि महाधिवेशन, पौडेल नयाँ प्रधानमन्त्री
कुसुम सेञ्चुरी
साउन २४, २०७७ आइतबार ०:३२:३३
२४ साउन, काठमाडौं । प्रमुख प्रतिपक्षी दल नेपाली कांग्रेस भित्रको अन्तरसंघर्ष अन्त्य गर्न तेस्रो धारका भनिएका कृष्णप्रसाद सिटौलाले पार्टी एकता मजबुत पार्न भन्दै गज्जबको फण्डा तयार गरेका छन् । आगामी चुनावमा कांग्रेसलाई नम्बर एक पोजिसनमा पु¥याउन भन्दै उनले संस्थापन भितर र संस्थापन इतर पक्षका लागि वीन वीन पोजिशन हुने गरी गज्जबको सूत्र तयार गरेका हुन् । उनले तयार गरेको सूत्रले पार्टी एकतामा बल पुग्ने र आम कार्यकर्तामा सक्रियता थप्ने दावी गरिएको छ ।
उक्त प्रस्ताव सिटौलाले पार्टी सभापति शेरबहादुर देउवा र वरिष्ठ नेता रामचन्द्र पौडेल समक्ष पु¥याएको स्रोतको दावी छ ।सिटौलाले प्रस्ताव गरेको सूत्रमा आगामी एक वर्ष सभापतिको कार्यकाल थप्ने र नेकपाको फुटपछि बन्ने गठबन्धन सरकारको प्रधानमन्त्री वरिष्ठ नेता पौडेललाई बनाउने उल्लेख छ । सिटौलाको प्रस्तावमा देउवा र पौडेल दुवै सकारात्मक रहेको बुझिएको छ । यसबारे निकट नेताहरुसँग परामर्श गर्नुपर्ने उनीहरुले बताएका छन् ।
कोरोनाको महामारीका बेला महाधिवेशन गर्न सहज नभएकाले एक वर्ष समयावधि थप्दा केही फरक नपर्ने भन्दै उनले पौडेललाई सहमत गराउन खोजेका छन् । साथै, पौडेललाई प्रधानमन्त्री बनाउँदा पार्टी कार्यकर्तामा राम्रो सन्देश जाने र एकता पनि सुदृढ हुने उनको तर्क छ । सत्तारुढ नेकपामा पछिल्लो समय उपाध्यक्ष बामदेव गौतमले ल्याएजस्तै मिलाप सूत्रका रुपमा सिटौलाले अस्त्रको प्रयोग गरेका हुन् ।
सिटौला निकट स्रोतका अनुसार, पार्टी एकताका लागि यो अचुक अस्त्र हो । यसले पार्टीलाई नयाँ गति दिने छ । नेकपाभित्रको रडाकोले पार्टी विभाजनको संभावना बढेकाले भोलि प्रचण्डसँग मिलेर जाने अवस्था आउन सक्ने भन्दै सिटौलाले यसका लागि तयारी अगाडि बढाएको स्रोतले बताएको छ । सत्तारुढ नेकपाको फुटपछि बन्ने सरकारमा जनता समाजवादी पार्टी जसपा लगायत अन्य साना दलहरुलाई पनि सामेल गरि दुई तिहाईको बनाउने तयारी थालिएको छ ।सिटौलाजीले यस्तो सम्भावनाबारे प्रचण्डसँग पटकपटक छलफल गरिसकेकाले जेपनि हुनसक्ने स्रोतको भनाई छ ।
कतिपयले चाहिं दक्षिणी छिमेकीको चाहना बमोजिम यस्तो फण्डा तयार भएको पनि अनुमान गरेका छन् । प्रधानमन्त्री ओलीसँगको अन्तसंघर्ष गहिरो हुँदै गएको अवस्था हेर्दा नेकपा कुनैपनि बेला विभाजित हुनसक्ने भन्दै यस्तो रणनीति तयार भएको हुनसक्ने सरोकारवालाहरुको बुझाई छ । तर सिटौलाको यस्तो प्रस्तावबारे देउवा र पौडेलका तर्फबाट कुनै प्रतिक्रिया आएको भने छैन ।
महाधिवेशनको पूर्व सन्ध्यामा संस्थापन पक्ष अलि सक्रिय भएको छ । रिक्त विभाग र पदाधिकारी पूर्ति गर्न संस्थापन पक्ष एकलौटी रुपमा अग्रसर भएको छ । तर संस्थापन इतर पक्ष भने सभापति शेरबहादुर देउवाको एकलौटी निर्णयको कडा प्रतिकार गर्ने पक्षमा दृढतापूर्वक उभिएको छ ।
यसले संस्थापन पक्षलाई आहत भएपछि अस्तिमात्र सभापति देउवाले असन्तुष्ट नेता रामचन्द्र पौडेलसहित कृष्णप्रसाद सिटौला समूहलाई समेत डाकेका थिए । लामै छलफल भएपनि क्रियाशील सदस्यता दोब्बर गर्ने विषयमा बाहेक अरु विषयमा भने कुनै सहमति जुटिसकेको छैन ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
भोलिदेखि कक्षा १२ को परीक्षा : तीन लाख ९० हजार आठ सय ४७ परीक्षार्थी सहभागी हुँदै
बैशाख १३, २०८१ बिहिबार
२७ करोड बढीको मुद्दामा विशेषले दियो सबैलाई सफाइ
बैशाख १३, २०८१ बिहिबार
पूर्वमन्त्री आलमसहित चार जनालाई जन्मकैदको फैसला
बैशाख १३, २०८१ बिहिबार
म्याग्दीमा पुख्र्यौली नाच प्रतियोगिता सुरु
बैशाख १३, २०८१ बिहिबार
योजना कार्यान्वयनका लागि रूपान्तरणका क्षेत्र पहिचान गरिएको छ : प्रधानमन्त्री प्रचण्ड
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार