जुवातासको खालबाट १० जना पक्राउ

२५ साउन, रुपन्देही । सिद्धार्थनगर नगरपालिका-८ अंचलपुरस्थित बिकास सेनको घरमा जुवातास खेलिरहेको अवस्थामा सोही ठाउँ बस्ने ५४ वर्षीय रवि थापा समेत १० जनालाई नगद ७० हजार १ सय ११ रुपैयाँ सहित शनिबार राति प्रहरीले पक्राउ गरेको छ ।

उक्त स्थानमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय रुपन्देहीबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।