जोखिम बढेपछि वाणिज्य विभागद्वारा प्रदान गरिने सेवा स्थगन

२५ साउन, काठमाडौं । संक्रमणको जोखिम बढेपछि नयाँ फर्म दर्ता र अत्यावश्यकबाहेका आयात इजाजत सिफारिस दिने सेवा वाणिज्य विभागले स्थगन गरेको छ । यस्तै विभागद्वारा प्रदान गरिने अन्य केही सेवाहरुलाई छोट्याइएको छ ।

कार्यालयमा सेवाग्राहीका कारण हुने भिडले कोभिड १९ संक्रमणको जोखिम बढेको भन्दै ती सेवाहरु भदौ ८ सम्मका लागि स्थगन गरिएको विभागले जनाएको छ ।

विभाग परिसरमा भिडभाड हुन नदिन प्राइभेट फर्म र साझेदारी फर्म नवीकरण,संशोधन र खारेजी तथा एजेन्सी नवीकरणको काम भने दिनको २० वटा मात्रै गरिने विगभागले जनाएको छ ।

बजार अनुगमन, अत्यावश्यक आयात निर्यात अनुमति तथा इजाजत र मुद्धाको कार्य भने निरन्तर रहेको विभागले जनाएकाे छ ।