आज सुनको भाउ प्रतितोला २ सय रुपैयाँले घट्यो

२६ साउन, काठमाडौं । पछिल्लो समय लगातार बढेर अकासिएको सुनको भाउ पछिल्लो २ दिन भने केही सम्हालिएको छ । सोमबार सुनको भाउ प्रतितोला २ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार छापावाल सुनको भाउ तोलाको १ लाख २ हजार ४ सय रुपैयाँमा आएको छ । यसैगरी, तेजावी सुनको मूल्य तोलाको १ लाख १ हजार ९ सय रुपैयाँ निर्धारण भएको छ ।

चाँदीको भाउ पनि प्रतितोला १५ रुपैयाँले घटेर १३ सय ९५ रुपैयाँ कायम भएको छ । आइतबार छापावाल सुनको भाउ तोलाको १ लाख २ हजार ६ सय रुपैयाँ थियो ।