एभरेष्ट बैंकका कर्मचारीलाई संक्रमण, दुई दिनलाई सेवा बन्द

२६ साउन, काठमाडौं । एभरेष्ट बैंकको मुख्य कार्यालय लाजिम्पाटमा कार्यरत दुई कर्मचारीलाई कोरोना संक्रमण देखिएपछि दुई दिनकाे लागी सेवा बन्द गरिएको छ।

संक्रमण नदेखिएका कर्मचारीहरुलाई होम आइसोलेसनमा राखिएको छ। गत शुक्रबार कर्मचारीहरुको पीसीआर परीक्षण गर्दा दुई जनामा कोरोना संक्रमण देखिएको हो।

संक्रमण पुष्टि भएपछि बैंकका कर्मचारीमा त्रासको अवस्था रहेको त्यहाँ कार्यरत एक जनाले बताए। उनका अनुसार, कर्मचारीलाई दुई दिनका लागि होम आइसोलेसनमा बस्न भनिएको छ। दुई दिनपछि सञ्चालक समितिको बैठक भएकाले पर्सि कार्यालय खोल्ने सर्कुलर गरिएको छ।