आज रातीदेखि यूरोपा लिगका क्वार्टरफाइनलका खेलहरू शुरू हुँदै

२६ साउन, काठमाडौं । सोमबार आज रातीदेखि यूरोपा लिग अन्तर्गतका क्वार्टरफाइनलका खेलहरू शुरू हुँदैछन् ।युरोपको दोस्रो श्रेणीको क्लब फुटबल प्रतियोगिता युरोपा लिगमा यस सिजन अन्तिम ८ देखिका खेलहरु जर्मनीमा हुनेछ ।

कोरोना भाइरसले नियमित तालिका प्रभावित भएपछि क्वार्टरफाइनल देखिका खेलहरु सिंगल लेगमा खेलाइनेछ ।अब क्लबहरुले एक खेल जित्नेबित्तिकै सेमिफाइनल पुग्नेछ ।

सोमबार राति हुने क्वार्टरफाइनलमा इंग्लिस क्लब म्यानचेष्टर युनाइटेडले डेनिस क्लब कोपनहेगन र इटालियन क्लब इन्टरमिलानले जर्मन क्लब बायर लेभरकुजनसंग खेल्नेछ । खेल नेपाली समयअनुसार राति पौने १ बजे शुरु हुनेछ ।