आज कोरोनाबाट ५ जनाको मृत्यु, मृत्तकको संख्या ८१ पुग्याे

२६ साउन, काठमाडौं । सोमबार कोरोना भाइरसको संक्रमणबाट ४ जनाको मृत्यु भएको छ । काठमाडौंमा दुई जना, धनुषा र वीरगञ्जमा एक एक जना गरी आइतबार चार जनाको मृत्यु भएको हो ।

स्वास्थ्य तथा जनसंख्या मन्त्रालयका अनुसार काठमाडौं–१० मध्यबानेश्वरका ७६ वर्षीय पुरुषको मेडिकेयर अस्पतालमा मृत्यु भएको छ । उनको उपचारका क्रममा मृत्यु भएको हो ।

यस्तै कीर्तिपुर–२ ट्याङ्लाफाँटका ६४ वर्षीय पुरुषको मेडिसिटी अस्पतालमा मृत्यु भएको छ । निमोनिया र मधुमेहका विरामी उनलाई १५ गते अस्पताल भर्ना गरिएपनि बचाउन सकिएको थिएन् ।

वीरगञ्जको कोरोना विशेष अस्पताल, गण्डकमा उपचारका क्रममा आइतबार मृत्यु भएकी वीरगञ्ज–१५ भेडियाहीकी ४५ वर्षीया महिलामा कोरोना संक्रमण पुष्टि भएको छ । शनिबार मृत्यु भएका धनुषाको मिथिला बिहारी नगरपालिका–५ का ४५ वर्षीय पुरुषमा पनि कोरोना संक्रमण पुष्टि भएको छ ।

सोमबार थप ४ जनाको मृत्यु भएपछि नेपालमा कोरोना मृत्तकको संख्या ८० पुगेको छ ।