किष्ट अस्पतालमा संक्रमितको मृत्यु

२६ साउन, काठमाडौं। ललितपुरको ग्वार्कोमा रहेको किष्ट अस्पतालमा एक कोरोना संक्रमितको मृत्यु भएको छ । काभ्रे पाँचखालकी ५० वर्षीया महिलाको कोरोना संक्रमणका कारण मृत्यु भएको अस्पतालले जनाएको छ ।

ती महिलाको सोमबार बिहान ९ बजे मृत्यु भएको थियो । निमोनिया तथा छातीको संक्रमण देखिएपछि भेन्टिलेटरमा राखेर उपचार गरिहेका बेला उनको मृत्यु भएको हो । यससँगै सोमबार मात्रै ५ जनाको मृत्यु भएको छ भने नेपालमा कोरोना मृत्तकको संख्या ८१ पुगेको छ ।