भेन्टिलेटर नहुँदा सप्तरीमा एक संक्रमितको मृत्यु, मृतकको संख्या तीन पुग्यो
नेपालबहस संवाददाता
साउन २८, २०७७ बुधबार २३:३१:३८
◊ धीरुभाइ
२८ साउन सप्तरी । आइसीयु-भेन्टिलेटर नभएका कारण सप्तरीमा एक जना सिकिस्त बृद्ध पुरुषको कोरोना संक्रमणबाट मृत्यु भएको छ । श्वासप्रश्वासमा जटिल समस्या भएपछि राजविराज स्थित गजेन्द्र नारायण सिंह अस्पताल पु¥याएको भएपनि अस्पतालमा भेन्टिलेटर नहुँदा संक्रमितको मृत्यु भएको अस्पतालका एक डाक्टरले बताए ।
सिकिस्त अवस्थामा अस्पताल पुगेका बृद्धको सीपीआर गरेको भन्दै अस्पतालका निमित मेडिकल सुपरिटेन्डेन्ट डा. रणजीतकुमार झाले भने, भेन्टिलेटरमा राखेर उपचार गर्न सकिएको भए बाँच्न सकिन्थ्यो होला । आइसीयू कक्ष नहुँदा अस्पतालमा चार वटा भेन्टिलेटर मेसिन भएपनि भौतिक पूर्वाधार र जनशक्ति अभावले सञ्चालनमा नआएको मेसु झाले बताए ।
बृद्धको संक्रमण पुष्टि भएपछि आइसोलेसन केन्द्र नपुग्दै एम्बुलेन्समै गएराती मृत्यु भएको छ । जिल्लाको डाकनेश्वरी नगरपालिका ८ भिमपुर स्थायी घर भई हाल राजविराज नगरपालिका वार्ड नम्बर ६ सिरहारोड बसोबास गर्दै आएका ७२ वर्षीय बृद्धको कोरोना संक्रमणका कारण मंगलबार राती मृत्यु भएको स्वास्थ्य कार्यालय सप्तरीले जनाएको छ ।
तीन-चार दिनअघि ज्वरो आएपछि राजविराज स्थित गजेन्द्र नारायण सिंह अस्पताल भर्ना गरिएको थियो । त्यहीबेला अस्पतालले स्वाव संकलन गरी जाँच गराउँदा मंगलबार राती पोजेटिभ रिपोर्ट आएको थियो । रिपोर्ट आएपछि आइसोलेसन केन्द्रमा लैजाने क्रममा बाटोमा एम्बुलेन्समै मृत्यु भएको स्वास्थ्य कार्यालय सप्तरीका निमित प्रमुख दुनियालाल यादवले बताए ।
विरामीको अवस्था आइसीयु वा भेन्टिलेटरमा राख्नु पर्ने थियो उनले भने, तर अस्पतालले विरामीलाई आइसोलेसनमा पठाइयो । मृतक लामो समयदेखि मुटु, थाइराइड, सुगर, उच्च रक्तचाप लगायतका रोगबाट पीडित रहेको बताइएको छ । मृतकको शव नेपाली सेनाको टोलीले व्यवस्थान गरिने उनले शव एम्बुलेन्समै रहेको बताए ।
यसअघि साउन १ गते राजविराज नगरपालिका वार्ड नम्बर ६ कै ७३ वर्षीय बृद्ध ब्यापारीको कोरोना संक्रमणका कारण मृत्यु भएको थियो । मधुमेह, रक्तचाप लगायतका विरामी उहाँलाई श्वासप्रश्वासमा समस्या देखिएपछि विराटनगर हुँदै धरान स्थित बीपी कोइराला स्वास्थ्य विज्ञान प्रतिष्ठानमा भर्ना गरिएको थियो । त्यहाँ कोरोना रिपोर्ट पोजेटिभ आएको तीन घण्टाभित्रै मृत्यु भएको थियो । मृत्यु भन्दा करिब दुई साताअघि भारतको दिल्ली दरभंगाबाट फर्किएर होम क्वारेन्टाइन बसेको भन्दै आफ्नो ब्यापार व्यवसायीमा सक्रिय रहेका थिए ।
यस्तै साउन २० गते राती रुपनी गाउँपालिका ५ गढिया धुरगामका ४५ वर्षीय पुरुषको कारोनाका कारण मृत्यु भएको थियो । स्वासप्रस्वासमा समस्या भएपछि राजविराज स्थित गजेन्द्रनारायण सिंह अस्पतालमा भर्ना गरिएको थियो । अवस्था गम्भीर बन्दै जाँदा थप उपचारका लागि धरान स्थित बीपी कोइराला स्वास्थ्य विज्ञान प्रतिष्ठान रेफर गरिएको थियो । त्यहाँ अस्पतालको गेट पुग्दै मृत्यु भएको थियो । यससँगै जिल्लामा कोरोना संक्रमणका कारण मृत्यु हुनेको संख्या तीन पुगेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपशिक्षालयलाई दलीय राजनीतिको चपेटाबाट बाहिर निकालौं : शिक्षामन्त्री श्रेष्ठ
बैशाख १२, २०८१ बुधबार
राजनीतिक दलमा लागेका शिक्षकमाथि एक्सन, कारवाही गर्न ७७ जिल्लामा निर्देशन
बैशाख ९, २०८१ आइतबार
मुगुमा भर्नासँगै विद्यार्थीका हातमा पाठ्यपुस्तक
चैत २५, २०८० आइतबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
दैलेखमा एउटै बँदेलको टोकाइबाट सात जना घाइते
बैशाख ११, २०८१ मंगलबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
त्रिविका कानुनी सल्लाहकार खनाललाई कारबाही नगर्न आदेश
बैशाख १२, २०८१ बुधबार
सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
बैशाख १२, २०८१ बुधबार
गोरखा भूकम्पको ९ वर्ष : पीडित अझै अस्थायी टहरामा
बैशाख १२, २०८१ बुधबार
पर्सामा साना तथा घरेलु उद्योगमा महिला उद्यमीको स्वामित्व बढ्दै
बैशाख १२, २०८१ बुधबार
वागमतीको हिउदे अधिवेशन अन्त्य गर्न सिफारिस
बैशाख १२, २०८१ बुधबार