आजदेखि सिरहाको सुखीपुरमा पनि लकडाउन

२८ साउन, लहान । कोरोना भाइरसको महामारी नियन्त्रणका लागि सिरहाको सुखीपुर नगरपालिमालाई पनि पूर्ण रुपमा लकडाउन गरिएको छ ।

नगरपालिका स्तरीय कोभिड १९ कोरोना नियन्त्रण तथा ब्यवस्थापन समितिको संयोजक सुखीपुर नगरपालिकाका नगर प्रमुख राम औतार यादवको संयोजकत्वमा समितिको मंगलवार साँझ बसेको बैठकले आज बिहान ६ बजेदेखि साउन ३२ गते १२ बजे राती सम्मका लागि ’लकडाउन’ गरिएकाे हाे ।

समितिको निर्णय अनुसार सार्वजानिक यातायात लगायत सबै क्षेत्र बन्द गर्नुपर्ने छ । स्वास्थ्य क्षेत्र, अतिआवश्यक र सुरक्षा निकाय भने खुला रहने बताइएको छ । सुखीपुरमा हालसम्म सुखीपुर नगरपालिकामा समाचार तयार पर्दा सम्म १२ जना कुल संक्रममित मध्ये ४ निको भएर घर फर्किएको सुखीपुर नगरपालिकाका स्वास्थ्य शाखाका प्रमुख अन्देश्वर मण्डलले बताएको छ ।

मण्डलका अनुसार हिजो आएको पीसीआर टेष्टको रिपोर्टमा सुखीपुर नगरपालिकाका वडा नम्बर ९ बैशखाका ८ जनाको कोरोना पोजेटिभ देखिएपछि सो वडालाई शिल गरिएको छ ।

त्यस्तै सिरहामा हाल सम्म २ सय ७० जना कुल संक्रममित १ जनाको मृत्यु र १ सय ९२ निको भएर घर फर्केका छन् । देशभरमा समाचार तयार पार्ने बेला सम्ममा २९ हजार ९ सय ४८ जना कुल संक्रममित ८३ जनाको मृत्यु र १६ हजार ६ सय ६४ जना निको भएका छन् ।