कर्णालीमा कोरोना स‌ंक्रमितको संख्या २०५२ पुग्याे

२९ साउन, सुर्खेत । कर्णालीमा कोरोना स‌ंक्रमितको संख्या  २ हजार नाघेकाे छ । पछिल्लो २४ घण्टामा सुर्खेतमा मात्रै १८ जना संक्रमित थपिएसँगै स‌ंक्रमितकाे संख्या २०५२ पुगेको हाे।  कर्णालीका अन्य जिल्लामा भने यो अवधिमा संक्रमित थपिएका छैन‍न् ।

सुर्खेतस्थित कर्णाली प्रदेश अस्पतालरपशुपन्छी रोग अन्वेषण प्रयोगशालामा भएको परीक्षक्षणमा सुर्खेतको वीरेन्द्नगर नगरपालिकाका १७ जना र लेखबेसी नगरपालिकाका एकजना गरी १८ जनामा कोरोना संक्रमण पुष्टि भएको हो ।

सामाजिक विकास मन्त्रालयको स्वास्थ्य सेवा महाशाखाका अनुसार वीरेन्द्रनगर नगरपालिका-१० का २०, २५ र २७ वर्षका तीनजना महिला, १, २, ३, २५, २७ र ४६ वर्षका ६ जना पुरुष, वडा ३ का २२ र २५ वर्षका दुईजना महिला, ६, १३, २०, २७, ३२ र ३८ वर्षका ६ जना पुरुष रहेका छन् । एक जना संक्रमित भने लेकबेसी नगरपालिका-७ का ४३ वर्षीय पुरुष रहेका छन् ।

प्रदेशमा हालसम्म १९०१ जना डिस्चार्ज भएका छन् भने ६ जनाको भने मृत्यु भएको छ । १४५ जना संक्रिय संक्रमित आइसोलेसनमा रहेका छन् ।