थप ५२५ जना संक्रमित, १०९ जना डिस्चार्ज

२९ साउन, काठमाडौं । नेपालमा थप ५२५ जनामा कोरोना भाइरसको संक्रमण पुष्टि भएको छ। पछिल्लो २४ घण्टामा देशभर गरेर थप ५२५ जनामा कोरोना संक्रमण पुष्टि भएको हो ।

यससँगै नेपालमा कोरोना संक्रमितको संख्या २४ हजार ९५७ पुगेको स्वास्थ्य तथा जनसंख्या मन्त्रालयले जनाएको छ । आइसोलेसनमा भने ८ हजार २५ जना मात्रै छन् ।
बिहीबार ९ हजार ८५९ जनाको पीसीआर परीक्षण गरिएको थियो ।

यस्तै पछिल्लो २४ घण्टामा थप १०९ जना कोरोना संक्रमित उपचारपछि निको भएर घर फर्केका छन्। योसँगै नेपालमा कोरोना जित्नेको संख्या १६ हजार ८३७ पुगेको छ। कोरोनाबाट ज्यान गुमाउनेको संख्या भने ९५ पुगेको छ ।