सिन्धुपाल्चोकको लामा टोलमा पहिरो जाँदा दर्जन बढी बेपत्ता, १३ घर पुरिए

३० साउन, काठमाडौं । सिन्धुपाल्चोकको लामा टोलमा पहिरो जाँदा दर्जन बढी बेपत्ता भएका छन् । अहिलेसम्म १३ घर पुरिएका स्थानीयले बताएका छन् । जुगल गाउँपालिका वडा नम्बर २ लिदिको लामा टोलमा गएराती पहिरो गएको हो । पहिरोमा पाँच परिवारका सदस्य बेपत्ता भएका छन् ।

शुक्रबार बिहान करिब ६ बजेतिर पहिरो आएको हो । जुगल गाउँपालिकाका योजना अधिकृत रामबाबु नेपालका अनुसार १३ वटा घर पुरिएर देखिँदै देखिँदैन, पाँच घर परिवारका सदस्यहरु सम्पर्कमा छैनन् ।

१५ जना भने पहिरोबाट निस्किएर लप्सीचौरमा बसेका छन् । गएराती आएको पानीले पहिरो गएको हुन सक्ने अनुमान छ । पहिरो झर्ने क्रम नरोकिएकाले उद्धार हुन सकेको छैन् । अझै तीन दर्जन घर पहिरोको जोखिममा रहेका प्रहरीले जनाएको छ ।