कालिकोटमा पहिरोले घर पुरिँदा ६ जनाको मृत्यु

३० साउन, सुर्खेत । कालिकोटमा पहिरो जाँदा ६ जनाको मृत्यु भएको छ । महाबै गाउँपालिका वडा नम्बर ३ नकुमा पहिरो जाँदा ६ जनाको मृत्यु भएको हाे ।

वडासदस्य रजबहादुर विष्टको घर पुरिँदा ६ जनाको मृत्यु भएको प्रहरीले जनाएको छ । पहिरोमा घर पुरिँदा वडा सदस्य विष्टका दुई छोरा, दुई छोरी र उनका दाजु डिलबहादुर विष्टका दुई छोरी गरी ६ जनाको मृत्यु भएको हो ।

जिल्ला प्रहरी कार्यालय कालिकोटका अनुसार मृत्यु हुनेमा एकै घरका चार जना छन । दुई जना छिमेकी रहेका प्रहरीले जनाएको छ ।