४ घाइतेलाई उपचारका लागि हेलिकोप्टरबाट काठमाडौं पठाइयो

३० साउन, सिन्धुपाल्चोक । जुगल गाउँपालिका –२ लिदीस्थित लामा टोलमा गएको पहिरोमा परी घाइते भएका ४ जनालाई उपचारका लागि काठमाडौं पठाइएको छ ।

गएराती गएको पहिरोमा परी गम्भिर घाइते भएका दुई पुरुष र दुई महिला गरी चार जनालाई हेलिकोप्टरबाट उपचारका लागि काठमाडौं पठाइएको गाउँपालिकाका अध्यक्ष होमनारायण श्रेष्ठले जानकारी दिए ।

उनका अनुसार अरु घाइते तथा पहिरोमा पुरिएकाहरुको उद्धार कार्य जारी छ । पहिरोमा ३ घरका २१ जना पुरिएका छन् । अरु घाइतेको सिन्धुपाल्चोकमै उपचार चलिरहेको छ । बेपत्ताको खोजी शुरु गरिएपनि अहिलेसम्म भेटाउन सकिएको छैन् ।