महासचिव विष्णु पौडेलको संयोजकत्वमा ६ सदस्यीय कार्यदल गठन

३० साउन, काठमाडौं । सत्तारुढ नेकपाको विवाद समाधानका लागि महासचिव विष्णु पौडेलको संयोजकत्वमा ६ सदस्यीय कार्यदल गठन भएको छ । शुक्रबार प्रधानमन्त्री एवं अध्यक्ष केपी शर्मा ओली र अर्का अध्यष पुष्पकमल दाहाल प्रचण्डबीच महासचिव पौडेलको संयोजकत्वमा कार्यदल गठन गर्ने सहमति भएको हो ।

कार्यदलमा भीम रावल, शंकर पोखरेल, जनार्दन शर्मा, पम्फा भुसाल र सुरेन्द्र पाण्डे सदस्य रहेका छन् । ओली, प्रचण्ड र माधव नेपालका तर्फबाट दुई दुई जना नेता रहने गरी सदस्य तोकिएको हो । झण्डै पाँच महिनादेखि बल्झिदै आएको नेकपा विवाद समाधानका लागि पाँच महिनापछि कार्यदल गठन भएको हो ।