लिदी घटनास्थलमा पुग्यो सेना : ५ वटा शव निकालियो, बेपत्ताको खोजी हुदै

३० साउन, सिन्धुपाल्चोक । शुक्रबार बिहानै आएको पहिरोमा पुरिएका सिन्धुपाल्चोक लिदीका बेपत्ताहरुको खोजीका लागि नेपाली सेनाको टोली घटनास्थल पुगेको छ । केहीबेरअघि घटनास्थल पुगेको सेनाले ५ वटा शव निकालेको छ । अरु बेपत्ताको खोजी चलिरहेको छ ।

शव क्षतविक्षत अवस्थामा फेला परेकाले हराएकाहरु जिवितै भेटिने सम्भावना न्युन रहेको प्रहरीले जनाएको छ । रातभरीको बर्षापछि बिहानतिर आएको पहिरोले लिदी लामाटोलका ३७ घर पुिरएका छन् । ३७ घरका ३८ जना बेपत्ता रहेका जुगल गाउँपालिकाका अध्यक्ष होमनारायण श्रेष्ठले जानकारी दिए ।

अरु १५ जनाले भने भागेर ज्यान जोगाएका थिए । घाइतेमध्ये ४ जनालाई उपचारका लागि काठमाडौं पठाइएको छ । सभामुख अग्नि सापकोटा घटनास्थलको निरीक्षण गर्न गएसँगै सेनाको हेलिकोप्टर उद्धार तथा शवको खोजीका लागि पुगेको हो ।