लिदी पहिरोबाट ११ शव निकालियो

३० साउन, सिन्धुपाल्चोक । जुगल गाउँपालिका २ लिदीमा गएको पहिरोमा परेर बेपत्ता भएकामध्ये नेपाली सेनाले ११ जनाको शव निकालेको छ । शुक्रबार बिहान माथिबाट आएको पहिरोमा परी ३७ घरका ३८ जना बेपत्ता भएका थिए ।

पहिरोमा परेर बेपत्तामध्ये ११ जनाको शव निकालिएको छ भने २७ जनाको खोजी कार्य जारी छ । पहिरो गएपछि घटनास्थल पुगेका सभामुख अग्नि सापकोटाले बेलुकी विज्ञप्ती निकालेर ११ जनाको शव निकालिएको बताएका हुन् । बिहानै पहिरो आएपछि भाग्ने क्रममा घाइते भएका ५ जनाको भने काठमाडौंमा उपचार भइरहेको छ ।