५७ हजारभन्दा धेरैले गर्दैछन् अनलाईन शेयर कारोबार (ब्रोकर कम्पनीको नामसहित)
नेपालबहस संवाददाता
साउन ३०, २०७७ शनिबार ०:३६:२६
३० साउन, काठमाडौं । धितोपत्र बजारमा कारोबार ब्रोकर कम्पनीमा कति लगानीकर्ता आबद्ध छन् भन्ने तथ्यांक प्रकाशित भएको छ । नेपालमा संचालनमा रहेका मध्ये ५० वटा ब्रोकर कम्पनीले मात्र अनलाईन कारोबार गर्ने देखिएको छ । ५० ब्रोकर कम्पनीमा आबद्ध भएर करिब २०.५५ प्रतिशत लगानीकर्ताले अनलाईन कारोबार गर्ने गरेको पाइएको छ ।
नेपाल स्टक एक्सचेन्जका अजनुसार शेयर बजारमा प्रविधिको प्रयोग बढ्न थालेपछि लगानीकर्ताको सक्रिय पनि बढ्न थालेको छ । पछिल्लो चरणमा प्राथमिक बजारमा करिब ५ लाख भन्दा धेरै लगानीकर्ताहरुले शेयर आवेदन गर्ने गरेका छन् भने ब्रोकर मार्फत दोस्राे बजारमा लगानी गर्नेको संख्या झण्डै ३ लाख रहेको छ ।
नेप्सेका अनुसार यस आर्थिक वर्ष प्रारम्भ भएपश्चात मात्रै २५ हजार बढी अनलाइन प्रयोगकर्ता थपिएका छन् । गत असार २८ गतेसम्म कुल ३१ हजार ९८८ जना शेयर लगानीकर्ताले अनलाइन कारोबारका लागि युजर पासवर्ड लिएकोमा त्यो संख्या बढेर साउन २९ गतेसम्म ५७ हजार १५६ पुगेको छ । साउनमा मात्रै अनलाइन प्रयोगकर्ताको संख्या ७८ प्रतिशतले बढेको छ ।
गत चैत ११ देखि लकडाउनका कारण नेप्से पनि बन्द भएको थियो । लकडाउन खुकुलो भए सँगै खुलेको बजारमा नियामक निकायले अनलाइन कारोबारलाई प्रोत्साहन गर्न थालेपछि दोस्रो बजारमा अनलाइन मार्फत कारोबार गर्ने लगानीकर्ताको संख्या ह्वातै बढ्न थालेको छ ।
सिडिएस एण्ड क्लियरिङ लिमिटेडका अनुसार हालसम्म १८ लाख ६ हजार ८५८ डिम्याट खाता खुलेका छन । यीमध्ये ४ लाख बढी लगानीकर्ताले प्राथमिक बजारमा शेयर भर्ने गरेका छन् । पछिल्लो चरणमा निष्कासन भएको आइपीओमा ४ लाख ४८ हजारसम्म आवेदन परेको पाइएको छ । यसबाट पनि प्राथमिक बजारमा साढे चार लाख बढी सक्रिय लगानीकर्ता रहेको देखिन्छ । यी मध्येमा दोस्रो बजारमा सक्रिय कारोबार गर्ने लगानीकर्ताको संख्या २ लाख ७८ हजार बढी देखिन्छ ।
नेप्सेका अनुसार धितोपत्रको दोस्रो बजारमा सक्रिय लगानीकर्ताको संख्या २ लाख ७८ हजार १०१ पुगेको छ । जसमध्ये ५७ हजार १५६ जनाले अनलाइन प्रयोगका लागि युजर आईडी र पासवर्ड लिइसकेका छन् । तर नियमित शेयर कारोबार गर्नेका संख्या भने धेरै नै कम छ।
५० ब्रोकर कम्पनीबाट कारोबार गर्ने लगानीकर्ताको संख्या कति ?
प्राप्त विवरण अनुसार सबैभन्दा बढी अनलाईन कारोबारगर्ने लगानीकर्ताहरु ब्रोकर नं ४२ सनी सेक्युरिटीजमा रहेका छन् । सो सेक्युरीटीजका १०,४२२ जना लगानीकर्ता मध्य ४२४४ जना लगानीकर्ताले अनलाईबाट कारोबार गर्ने गरेका छन् । ब्रोकर नं ५८ नासा सेक्युरीटीजमा ९२६४ लगानीकर्ता मध्ये ४०७३ जना अनलाईनबाट कारोबार गर्ने गरेका छन् । त्यस्तै तेस्रो नम्बरमा ब्रोकर नं ३८ दिपशिखा, चौथो नम्बरमा ब्रोकर नं. ३४ भिजन सेक्युरीटीज रहेको छ भने सबै भन्दा कम ब्रोकर नं १८ सगरमाथा सेक्युरीटीज रहेको छ । जुन तथ्यांकलाई तल अनलाईन काराेबार गर्ने सक्रिय लगानीकर्ताका आधारमा क्रमबद्धसँग प्रस्तुत गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
आज नेप्सेमा दोहोरो अङ्कको गिरावट
चैत १४, २०८० बुधबार
प्रि-ओपन सेसनमा नेप्से सामान्य बढ्यो
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार