कुलमानको कार्यकाल दोहोर्‍याएर चार वटा जिम्मेवारी दिनुपर्छ : लोहनी

२ भदौ, काठमाडौं । राष्ट्रिय प्रजातन्त्र पार्टीका अध्यक्ष प्रकाशचन्द्र लोहनीले नेपाल विद्युत प्राधिकरणको कार्यकारी निर्देशकमा कुलमान घिसिङलाई दोहो¥याउन माग गरेका छन् । कूलमानको कार्यकाल यसै महिना सकिन लागेका बेला उनले लोडसेडिङ हटाउने कूलमानलाई कार्यकारी निर्देशकमा फेरि चार बर्षका लागि नियुक्त गर्नुपर्ने माग गरेका हुन् ।

सरकारले प्राधिकरणको प्रमुखमा अरु कसैलाई ल्याउन कूलमानलाई हटाउने प्रयास गर्नु दुःखद हुने पनि उनले बताएका छन् । तर कूलमानलाई जिम्मेवारी दिदा केही नयाँ काम गर्ने मौका दिनुपर्ने पनि पूर्वमन्त्री समेत रहेका लोहनीको भनाई छ ।

नेपाललाई बिजुलीमा आत्मनिर्भर बनाउनुपर्ने, नयाँ शेयर किन्नेलाई प्रोत्साहन गर्नु लगायत छन् । लोहनीले कूलमानलाई कार्यकाल दोहो¥याउन लगाएर दिनुपर्ने जिम्मेवारी यसप्रकार राखेका छन :

१. भारतबाट हाल पनि नेपालको कुल खपतको ३० प्रतिशत हाराहारीमा विद्युत आयात हुन्छ । अब अर्को चार बर्षमा नेपाल पूर्ण रुपमा विद्युतमा आत्मनिर्भर हुनु पर्छ ।

२. कम्पनी राम्रै नाफामा जान थालेको परिवेशमा अबको चार बर्षभित्र थप पूँजी जनताको लागि शेयर बजारमा बेच्ने र प्राधिकरणमा जनताको स्वामित्व कमसेकम ५० प्रतिशत पु¥याउनुपर्छ ।

३. नयाँ शेयर किन्ने लगानीकर्तालाई कम्तीमा १२ देखि १५ प्रतिशत लगानीमा प्रतिफल सुनिश्चित गर्नुपर्छ ।

४. जलविद्युत बाहेक अन्य उर्जास्रोतबाट १० देखि १५ प्रतिशत विद्युत उत्पादन गर्नुपर्छ ।